Për afër një muaj, ky ishte vendi ku ndalohej çdo person jozyrtar.
Kjo meqë pas këtyre shiritave të sigurisë, niste një zonë me rëndësi të veçantë hetimore në Kalludër të Vogël të Zubin Potokut.
Këtu për plot 24 ditë, ekipe të tëra gërmuan pandërprerë.
Krejt kjo pasi autoritetet kosovare zbuluan mbetje mortore që i përkisnin 23 të zhdukurve me forcë gjatë luftës në Kosovë.
E meqë procesi u gërmimeve përfundoi edhe zyrtarisht me 21 gusht, të martën në Kalludër nuk u pa asnjë zyrtarë policorë.
Prandaj lehtë mund të depërtohej deri tek varreza masive, nga ku u nxorën mbetjet mortore.
E gjurmët se këtu u gërmua, janë të dukshme, raporton Tëvë1.
Ndërkohë, e vetmja shenjë që kishte mbetur këtu pas 27 vitesh, duket se ishte kjo batanije.
Ndërsa i gjithë vendi vazhdon të jetë i rrethuar me shirita të sigurisë.
Por, as rruga për të arritur deri këtu, nuk ishte e lehtë në fillim.
Për këtë, u desh edhe zgjerimi i saj, ndërsa në disa pjesë janë hapur edhe trase të reja për të kaluar veturat.
Por, organet e rendit nuk hasën në mbetje mortore vetëm në këtë zonë.
Në afërsi të kësaj grope, u gjet edhe një sasi e madhe armatimi, uniforma dhe pajisje ushtarake, të cilat u ekspozua me 20 gusht në Qendrën e Njësive Speciale “Enver Zymeri” në Mitrovicë.
E njëjtë si në këtë lokacion, mbetje mortore u gjetën edhe në një varrezë tjetër masive në Kalludër si dhe në fshatin Jabukë të Zubin Potokut.
Të hënën, komisioni qeveritar i Kosovës njoftoi se ka nisur edhe identifikimi i mbetjeve mortore, por që ky proces kërkon kohë.
Ndërkohë, lidhur me rastin janë arrestuar tre persona të nacionalitetit serb, me vendbanim në Zubin Potok.
Bëhet fjalë për Momir Jakshiqin, Miljko Bishevcin dhe Jugosllav Radojeviqin.
Këta dyshohen për përfshirje në rastin e vrasjes dhe zhdukjes së trupave të 23 shqiptarëve.
