Deputeti i AAK-së, Lahi Brahimaj ka deklaruar se LVV-ja po bënë shkelje kushtetuese për votimin e fshehtë për zgjedhjen e kryetarit të parlamentit.
Brahimaj ka thënë se AAK-ja dhe partitë e tjera opozitare nuk e kanë bojkotuar procesin kur ka qenë votimi i hapur.
Derisa, ai tha se po të kishte vazhduar forma në votim të hapur, do të kishin votuar të gjitha partitë kundër, pro dhe abstenim.
“Sigurisht që shkelje kushtetuese kanë bërë ata që në ditën e parë kur kanë provua me e fut votimin e fshehtë, Aleanca dhe partitë e tjera opozitës nuk e kanë bojkotuar votimin kur ka qenë votim i hapur, me rregullore nuk lejohet mënyra e procesit të ndërrohet forma e votimit, sigurisht nëse do të kishte vazhduar në atë formë, edhe partitë e tjera do të kishin votuar kundër, pro dhe abstenim. Ne nuk e përkrahim dhe nuk e votojmë një votim të tillë”, ka deklaruar ai në emisionin “Ditari” në tëvë1.
I pyetur për zgjedhje të reja, deputeti thotë se AAK është e gatshme të shkojë në zgjedhje të reja.
Kurse, për zgjedhjet lokale, ai thotë se do të jetë një rezultat befasues për partinë e tij.
“Prej seancës së parë, Aleanca është e gatshme për të shkuar në zgjedhje kur do që ato ndodhin, e di që për popullin nuk është mirë me ndodhë dy parë zgjedhje. Janë prezantuar disa emra për kandidatë për kryetar të komunave të cilët kanë qenë të nominuar nga Haradinaj, ata po punojnë për plotësimin e listave për asamblist në komuna. Do të jetë një rezultat befasues në zgjedhjet lokale për Aleancën”, ka shtuar ai tutje./teve1.info/
