Kryediplomati i Bashkimit Evropian, Josep Borrell, ua ka dorëzuar vendeve anëtare të BE-së raportin lidhur me masat që i janë vënë Kosovës më shumë se një vit më parë, ka konfirmuar zëdhënësi i bllokut, Peter Stano.
Në raport është bërë vlerësimi nëse duhet hequr masat ndaj Kosovës, të vëna për shkak të tensionimit të situatës në veri të vendit në maj dhe qershor të vitit 2023, raporton Rel
Atëbotë, BE-ja pati thënë se Kosova nuk ka bërë mjaftueshëm për shtensionim të situatës.
Megjithatë, nuk dihet nëse Borrell ka rekomanduar heqjen e masave.
Diskutimi i parë rreth këtij raporti do të mbahet të mërkurën në nivel të ambasadorëve të vendeve anëtare të BE-së.
Megjithatë, në atë takim nuk pritet të merret një vendim se si të veprohet për masat.
Dorëzimi i këtij raporti, qoftë edhe me rekomandim të qartë, nuk do të thotë se masat hiqen menjëherë.
Ky raport vetëm do t’iu shërbejë vendeve anëtare për ta rikthyer këtë çështje në agjendë dhe për të filluar shqyrtimin e mundësisë së heqjes së masave në të ardhmen.
Ndonëse ka kaluar një vit, pak dihet se kush saktësisht është prekur prej këtyre masave.
Ditë më parë zëvendëskryeministri i Kosovës, Besnik Bislimi tha se nga informacionet që ai raporti rekomandon heqjen e masave, por për këtë të hënën zëdhënësi i BE-së tha se nuk është mirë të spekulohet.
