Borrell ka thënë se takimi i sotëm kishte të bënte me kërkimin e zgjidhjeve për të bërë përpjekje drejt paqes dhe stabilitetit në pjesën veriore të Kosovës, raporton Teve1.info
“Takimi i sotëm nuk ishte ndonjë takim normal apo i rregullt, së bashku me emisarin e Bashkimit Evropian për dialogun Kosovë – Serbi, Miroslav Lajçak të cilin dua ta falënderoj për punën e mirë që ka kryer. Kemi thirrur këtë takim sepse po ballafaqohemi me rritje të tensioneve. Takimi kishte të bënte në kërkim të zgjidhjeve për të bërë përpjekje drejt paqes dhe stabilitetit në pjesën veriore të Kosovës”, ka theksuar ai.
Ai tha se ky takim ishte për menaxhim krizash dhe qëllimi i tij është që të qetësohet situata në terren.
“Kjo ka ndodhur në momentin kur jemi në një kohë kritike, e shohim kthimin e luftës në kontinentin tonë pas invadimit Rus në Ukrainë. Ky nuk është momenti për rritje të tensioneve, është koha për të kërkuar zgjidhje dhe për të zgjidhur probleme afatgjate. I kam thënë të dy liderëve që ky ishte takim në një mënyrë të menaxhimit të krizave. Takim për menaxhim krizash, qëllimi i këtij takimi ishte që të qetësohet situata në terren”, tha më tej Borrelli.
Borrell po ashtu, thotë se në takimin e sotëm nuk ka pasur marrëveshje, por sipas tij nuk do të dorëzohen.
“…janë pajtuar që të vazhdojnë diskutimet në baza të rregullta, për ta përshpejtuar procesin e normalizimit dhe këtë do ta kem në maje të agjendës time. Çështjet aktuale janë më të rëndësishme në rendin e ditës. Kemi qenë dëshmitar të këtyre tensioneve, sa i përket targave, BE-ja nuk dëshiron të shoh ringjallje të tensioneve në periudhën vijuese. Dhe fatkeqësisht nuk kemi arritur në takimin e sotëm, por kjo nuk është përfundimi i këtij tregimi. Të dy liderët janë pajtuar që procesi të vazhdojë dhe diskutimet do të rifillojnë në ditët në vijim. Ka ende kohë deri më 1 shtator. Unë nuk do të dorëzohem. Nuk ka marrëveshje ditën e sotme, por nuk do të dorëzohemi, do të vazhdojmë takimet për zgjidhje”, ka përfunduar ai. /teve1.info/
