Në një intervistë të publikuar sot për televizionin spanjoll 24 Oras, duke folur për kërcënimin bërthamor të presidentit rus Vladimir Putin, ai vlerësoi se një rrezik i tillë ekziston dhe kujtoi se lideri rus tha se ishte një kërcënim real.
“Këto kërcënime e izolojnë më tej Rusinë, por ato ende duhet të merren seriozisht,” tha Borrell.
Borrell shtoi se Putin duke aneksuar katër territore ukrainase, po e bën të vështirë, madje të pamundur, përfundimin e luftës.
Ai theksoi se është e rëndësishme të vazhdohet me mbështetjen e mëparshme për Ukrainën dhe me sanksionet kundër Rusisë, të cilat, sipas tij, po japin efekt.
“Kjo ishte hera e parë që BE përdori fondet e saj për prokurimin dhe dërgimin e armëve në një vend në luftë. Falë kësaj dhe kontributit të SHBA-së, Ukraina është në gjendje të mbrohet”, tha Borrell. /KP
