Përfaqësuesi i Lartë për Politikë të Jashtme dhe Siguri i Bashkimit Evropian, Josep Borrell, ka thënë se ndihet i tmerruar nga sulmet izraelite ndaj palestinezëve të zhvendosur në Rafah, ku mbetët të vrarë dhjetëra persona, përfshirë fëmijë.
Borrell në një postim në X ka thënë se dënon këtë sulm, duke bërë thirrje që të ndalen sulmet menjëherë.
“I tmerruar nga lajmet që dolën nga Rafah mbi sulmet izraelite që vranë dhjetëra persona të zhvendosur, përfshirë fëmijë të vegjël. Unë e dënoj këtë në termat më të ashpër. Nuk ka vend të sigurt në Gaza. Këto sulme duhet të ndalen menjëherë. Urdhrat e GJND-së dhe DNH-ja duhet të respektohen nga të gjitha palët”, ka shkruar Borrell.
Sipas agjencisë palestineze të lajmeve ËAFA, avionët luftarakë izraelitë bombarduan tendat e palestinezëve të zhvendosur që jetojnë pranë zonës ku ndodhen magazinat e Agjencisë së Kombeve të Bashkuara për Ndihmën dhe Punët për Refugjatët Palestinë (UNRËA), në veriperëndim të Rafahut.
Në deklaratën e bërë nga Gjysmëhëna e Kuqe Palestineze, thuhet se ekipet mjekësore i dërguan në spital trupat e shumë palestinezëve, përfshirë gra dhe fëmijë, si dhe të plagosurit./teve1.info/
