Përfaqësuesi i Lartë i BE-së për Politika të Jashtme dhe Çështje të Sigurisë, Josep Borrell, ka thënë se i ka thirrur kryeministrin Albin Kurti dhe presidentin serb Vuçiq për të zhvilluar takime urgjente.
Kjo në mënyrë që të gjendet rrugëdalja nga kriza aktuale, ka shkruar Borrell.
“Ne kemi nevojë për deeskalim të menjëhershëm dhe zgjedhje të reja në veri me pjesëmarrjen e serbëve të Kosovës. Kjo është parësore për rajonin dhe BE-në”, thuhet në postimin e tij në Twitter.
Ndryshe dje kryeministri Kurti e konfirmoi se do të udhëtojë nga Roma në Bruksel për të marrë pjesë në dialog.