Përfaqësuesi i lartë i BE-së për Politikë të Jashtme dhe Siguri, Josep Borrell ka dhënë detaje pas takimeve që ka zhvilluar në Mynih me kryeministrin, Albin Kurti dhe me presidentin serb, Aleksandër Vuçiq.
Borell tha se stabiliteti dhe paqja në rajon mund të arrihen vetëm përmes normalizimit të marrëdhënieve ndërmjet Kosovës dhe Serbisë.
Ai tha se rruga drejt kësaj çon përmes Dialogut të lehtësuar nga BE-ja.
“Stabiliteti i qëndrueshëm dhe paqja në rajon mund të arrihet vetëm përmes normalizimit të marrëdhënieve ndërmjet Kosovës dhe Serbisë. Rruga drejt kësaj çon përmes Dialogut të lehtësuar nga BE-ja”, shkroi Borrell në një postim në platformën “X”.
Takimet Borrell-Kurti dhe Borrell-Vuçiq janë zhvilluar në margjina të Konferencës së Sigurisë në Mynih të Gjermanisë.
I met separately in the margins of #MSC2024 with @predsednikrs and @albinkurti.
Sustainable stability and peace in the region can only be achieved through normalisation of relations between Kosovo and Serbia. The path towards this leads through the EU-facilitated Dialogue. pic.twitter.com/zt7DAb9060
— Josep Borrell Fontelles (@JosepBorrellF) February 17, 2024
