Bordi mbikëqyrës Trepçës i ka ftuar për takim të premtën drejtorët e njësive, inxhinierët dhe kryepunëtorët e kësaj ndërmarrjeje.
Bëhet e ditur se takimi është thirrur të mbahet nga ora 12:00, përcjell teve1.info
“Të nderuar drejtorë njësie, kryepunëtorë, udhëheqës, inxhinierë. Ju lutem një lejoni që t’ju drejtohem përmes këtij emaili për të kërkuar prej jush takim ditën e nesërme, e premte 03/11/2023, ora 12:00, në zyret e Stanterg”, thuhet në ftesën e dërguar.
Sot pasdite, Tëvë 1 raportoi përmes burimeve se minatorët e Trepçës i kanë filluar diskutimet me menaxhmentin e kësaj ndërmarrje për ndërprerjen e grevës.
Sipas këtij burimi, grevistët kanë kërkuar mosndëshkimin e tyre dhe mosndaljen e mëditjeve për ditët e grevës.
Gjatë ditës së enjte, 16 minatorë kanë marrë shërbime shëndetësore, teksa që nga fillimi i grevës, janë ofruar 300 shërbime mjekësore.
Kërkesat e tyre janë realizimi i pagës nga data 6 deri me datën 10 të çdo muaji, dorëheqja apo shkarkimi i u.d i kryeshefit, Enis Abdurrahmani dhe kërkesa për sigurim shëndetësor dhe përmirësimin e kushteve. /Teve1.info/
