Pasi e përfundoi garën për 1 orë, 18 minuta e 35 sekonda në Kampionatin Botëror të atletikës në Tokio të shtunën, Caio Bonfirm i Brazilit e fitoi të artën në ecjen sportive 20 kilometra.
Këtë sukses ai e arriti vetëm një javë pasi e fitoi të argjendtën në distancën 35 kilometra.
“Babai juaj është kampion”, i tha Bonfirm kamerës menjëherë, duke i dërguar mesazh fëmijëve, Miguel, theo dhe Manoel.
Bonfirm tashmë ka dy medalje të argjendta dhe dy të bronzta në ngjarje madhore, ndërsa tani është fitues i të artës globale.
Japonezi Toshikazu Yamanishi, i cili mban rekordin botëror dhe kryeson listën në renditjen botërore, ishte i pari për shumicën e garës. Por më pas u penalizua me dy minuta dhe mbeti jashtë garës për medalje. Pas Bonfirmit ishte kinezi Wang Zhaozhao që e fitoi të argjendtën, ndërsa Paul McGrath nga Spanja e fitoi të bronztën.
