Boksierja Donjeta Sadiku e ka fituar meçin e parë në turneun e parë botëror kualifikues për Lojërat Olimpike “Parisi 2024”.
Të martën, Sadiku boksoi në kategorinë deri 64 kilogramë dhe e mposhti boksierin britanike, Shona Whitewell 5:0. Ky turne po mbahet në Busto Arsizio të Italisë, ndërsa në kategorinë deri 60 kilogramë, do të ndahen tri norma olimpike. Sadikut i nevojiten edhe disa fitore për të siguruar normën.
Donjeta në tri raundet boksoi për mrekulli dhe dominoi në ring gjatë tërë kohës, duke i dhënë kundërshtares goditje të forta dhe precize. Trajnerja Marjola Sallauka është e kënaqur me boksin që tregoi Donjeta Sadiku”, ka shkruar Federata e Boksit e Kosovës (FBOXK).
Në këtë turne, Kosovën po e përfaqësojnë edhe dy boksierë. Bashkim Bajoku, i cili tashmë është eliminuar kurse Shpëtim Bajoku nuk ka boksuar ende.
