Ai po ashtu dënoi abuzimet e Rusisë të të drejtave të njeriut dhe shkeljet e ligjit ndërkombëtar humanitar ndaj sulmit të saj në Ukrainë.
“Me arsye mund të pyetet nëse një shtet anëtar i OKB-së që përpiqet të marrë nën kontroll një shtet tjetër anëtar të OKB-së – ndërkohë që kryen abuzime të tmerrshme të të drejtave të njeriut dhe duke shkaktuar vuajtje masive humanitare – duhet të lejohet të qëndrojë në këtë këshill”, tha Blinken.
Në këshill janë 47 shtete anëtare, të zgjedhura nga Asambleja e Përgjithshme e OKB-së, një prej tyre është edhe Rusia.
Ai kritikoi gjithashtu edhe vendin e Kinës, për mos deklarimin e qartë se Rusia është autori i vetëm i kësaj krize.
“Anëtarët e këshillit duhet të ndalojnë përdorimin e gjuhës që nënkupton se të gjitha palët mbajnë përgjegjësi të barabartë për sulmin e paprovokuar të njërës palë. Kjo nuk është e paanshme – është e gabuar – dhe nuk arrin të vendosë përgjegjësinë aty ku i takon. E njëjta gjë vlen edhe për anëtarët që argumentojnë, në mënyrë të rreme, se denoncimi i shkeljeve të të drejtave të njeriut po ‘politizon’ situatën. Kjo po dështon të flasë për abuzimet e të drejtave të njeriut që e politizon situatën”, tha Blinken.
UNHRC u sfidua nga Blinken që të bashkohet për të parandaluar një luftë edhe më vdekjeprurëse.
“Këto janë shkeljet e të drejtave të njeriut që ky këshill është krijuar për t’i ndaluar. Nëse nuk mund të bashkohemi tani, kur do të bashkohemi?”, shtoi në fund Blinken.
