Sekretari i Departamentit amerikan të Shtetit, Antony Blinken i ka bërë thirrje Kinës që të dënojë agresionin rus në Ukrainë, tha ai pas takimit në ishullin indonezian të Balit me homologun e tij kinez Wang Yi.
”Kjo është me të vërtetë koha kur ne të gjithë duhet të ngrihemi, siç kanë bërë njëra pas tjetrës vendet e G20-ës për të dënuar agresionin dhe për të kërkuar, ndër të tjera, që Rusia të lejojë aksesin në ushqimin e bllokuar në Ukrainë”, tha Blinken.
”Ne nuk po shohim asnjë shenjë bashkëpunimi nga Rusia”, deklaroi Blinken. /kp
