Sekretari amerikan i shtetit Antony Blinken rriti presionin ndaj Hamasit të mërkurën për të pranuar propozimin e fundit për një armëpushim me Izraelin, duke thënë se “ka ardhur koha” për një marrëveshje që do të lironte pengjet dhe do të ndalonte gati shtatë muajt e luftës në Gaza.
Por një pikë kyçe ngecje duket se ende mbetet – nëse marrëveshja do t’i jepte fund plotësisht ofensivës së Izraelit siç ka kërkuar Hamasi.
Blinken u takua me udhëheqësit izraelitë gjatë gjithë ditës në ndalesën e fundit të vizitës së tij të shtatë në rajon që nga shpërthimi i luftës në tetor, duke u përpjekur të shtyjë atë që ka qenë një marrëveshje e pakapshme midis Izraelit dhe Hamasit.
Shtetet e Bashkuara dhe ndërmjetësuesit e tjerë Egjipti dhe Katari shpresojnë të shmangin një ofensivë izraelite në qytetin jugor të Gazës, Rafah, ku janë strehuar rreth 1.4 milionë palestinezë, raporton Associated Press,
Gjatë gjithë muajve të bisedimeve, Hamasi ka thënë se lirimi i të gjithë pengjeve që mban duhet të sjellë një ndalesë të përhershme të luftës dhe tërheqjen e trupave izraelite nga Gaza.
