Gjykata Themelore më 14 korrik dënoi me nga një vit burgim 10 nga 12 të akuzuarit për rastin “Veteranët”, që ishin pjesë e Komisionit Qeveritar për Njohjen dhe Verifikimin e Statusit të Veteranit të UÇK-së.
Ish-prokurori Elez Blakaj ka reaguar pas aktgjykimit dënues të Gjykatës Themelore në Prishtinë për këtë çështje.
Blakaj akuzoi se procesi është devijuar përmes manipulimeve të qëllimshme dhe keqinterpretimit të ligjit.
Në një status në Facebook, ish-prokurori që u mor për herë të parë me çështjen e veteranëve ka ironizuar duke thënë se Apeli do ta kthejë sërish në rigjykim çështjen.
“Pas gati 7 vjetëve, Gjykata Themelore në Prishtinë paska marrë vendim për rastin e veteranëve. Për ata që kanë mashtruar, gënjyer, shpifur si dhe për ata që kanë futur duart në rast, mos u bëni marak, sepse Apeli e kthen rastin përsëri në rigjykim!”, ka shkruar Blakaj në një postim në Facebook.
Ai theksoi se në qendër të këtij devijimi qëndron keqpërdorimi i termit “veteran”, i cili po përdoret në mënyrë të përgjithësuar për të krijuar konfuzion në opinionin publik.
Sipas tij, ligji është i qartë dhe përcakton saktë se vetëm dy kategori kanë të drejtë për pagesë/pension: invalidi i luftës së UÇK-së dhe veterani luftëtar i UÇK-së.
Postimi i tij i plotë:
