Gjatë emisionit “Këndi i Debatit”, në Tëvë1 Blakaj ndër të tjera tha se një numër i të burgosurve në burgun e Dubravës ende konsiderohen të zhdukur dhe sipas tij, nuk është bërë asgjë për fatin e tyre.
“Nuk është bërë insistimi i mjaftueshëm që të zbardhet e vërteta mbi zhdukjen e Ukshin Hotit dhe mbi vrasjen masive që ka ndodh .. më 22 dhe 23 maj 1999. Rrethanat qysh kanë ndodhur ato vrasje dhe zhdukja e trupave sepse disa prej të burgosurve të cilët janë vra në burgun e Dubravës ende rezultojnë të zhdukur edhe sot. Është një numër më i vogël mirëpo ende janë të zhdukur”, tha Blakaj.
Zhdukjen e Ukshin Hotiti tash e 23 vite më parë, Blakaj e konsideron si enigmë pasi që nuk është e mundur të ndodh që dikush të lirohet nga burgu ditën e diel.
“Zhdukja e Ukshin Hotiti është një enigmë sepse në rend të parë ai është liruar një ditë para se t’i skadojë dënimi dhe është liruar në ditën e diel, diçka që nuk mund të ndodhë sepse administrata nuk punon këtë ditë. Pra me një fjalë ai është kidnapu dhe nuk dihet asgjë për fatin e tij, edhe pse ka pasur disa thashetheme”, tha ai./Teve1.info
