Bekim Blakaj nga Fondi për të Drejtën Humanitare, ka thënë se ka dëshmi se Muharrem Ibraj ka marrë pjesë në një vrasje në fshatin e tij, Osek Hylë.
Ai ka thënë se Ibraj ,ndaj të cilit Prokuroria Speciale i ka ngritur aktakuzë për krime lufte ndaj shqiptarëve gjatë luftës në Kosovë, është parë edhe në postbllokun e vendosur nga policia serbe, afër shkollës së Mejës në ditën kur ka ndodh makra si dhe janë maltretuar dhe plaçkitur qytetarë nga fshatrat tjerë.
“Kemi dëshmi që e ka kryer një vrasje në fshatin e tij, Osek Hylë mirëpo, gjithashtu dëshmitarët e kanë identifikuar edhe më datë 27 prill ku kishte ndodhur Masakra e Mejës. Ibraj ishte parë në postbllokun e vendosur nga forcat serbe të vendosur afër shkollës së Mejës ku janë ndaluar kolonat e civilëve shqiptarë të ardhur nga fshatrat tjera ku janë maltretuar sigurisht dhe janë plaçkitur”, ka thënë Blakaj në emisionin “InfoNata” në Tëvë1.
Ai ka vlerësuar se ka prova ndaj Ibrajt për përfshirje në krime lufte në Gjakovë.
Blkaj ka vlerësuar se ndaj tij do të zhvillohet gjykim në mungesë
Prokuroria Speciale e Kosovës ka ngritur aktakuzë ndaj një personi, të nacionalitetit shqiptar, nën dyshimin e bazuar se ka kryer krime lufte kundër popullatës civile në Kosovë. Bëhet fjalë për Muharrem Ibrajn, i cili dyshohet se gjatë kohës së luftës në fshatin Osek Hylë të Gjakovës, bashkë me forcat serbe, ka kryer vrasje, dhunime, arrestime e keqtrajtime ndaj popullatës civile shqiptare. Tëvë1 në vazhdim iu sjell profilin se kush është Muharrem Ibraj, i cili i mohoi krimet serbe në Kosovë dhe e mbrojti Slobodan Millosheviqin në Hagë.
