Paraprakisht Bislimi foli para medieve ku tha se shpreson që shqiptarët e Luginës të mos ndahen grupe politike.
“Për momentin ka dy narrativa: është narrativa e qeverisë së Kosovës e cila synon avancimin e të drejtave të luginës dhe narrativa e presidentit Vuçiq e cila synon shtypjen e Luginës dhe secili prej liderëve mund të pozicionohet vetëm në njërën prej këtyre dy narrativave. Dhe mendoj që do të ishte shumë gabim që në emër të çfarëdo argumentimi të pozicionohen anën e gabuar”, tha Bislimi.
Kurse për ndarjen e liderëve të luginës në me vete, tha se është gabim i madh që Lugina me kaq pak banorë të krijoj ndarje politike.
“Dimensioni i parë është politik ku takojmë liderët komunal por edhe deputetin e nderuar Shaip Kamberi. Me lidershipin e Preshevës takohemi këtu unë mendoj se do të ishte gabim i madh që Lugina me kaq pak banorë që ka e ka luksin edhe të krijoj ndarje politike në mes vete. Ajo që është me rendësi mund të ketë dallime politike ose jokompromis për tema të caktuara por në rrafshin nacional nuk guxojnë liderët e Preshevës t’ia lejojnë vetes luksin e ndasive”, tha Bislimi.
Arifi gjatë ditë është deklaruar se nuk do të marrë pjesë në takimin me liderët Kosovarë pasi sipas tij Qeveria e Kosovës e ka injoruar Luginën e Preshevës.
Kurse Besnik Bislimi këto komente i bëri pas shpërndarjes së librave për nxënësit e nivelit fillor në Luginë, ku tha se është shqetësim zvogëlimi i numrit të nxënësve me një shpejtësi kaq të madhe në këtë rajon.
