Zëvendëskryeministri Besnik Bislimi ka pritur në takim ambasadorin jorezident të Kuvajtit në Kosovë, Faisal Al Musaileem.
Bislimi ka thënë se kjo vizitë dhe emërimi i ambasadorit është sinjal mbi rëndësinë që të dyja palët ia kushtojnë marrëdhënieve me njëra-tjetrën.
“Zëvendëskryeministri Bislimi e vlerësoi gatishmërinë e ambasadorit dhe Kuvajtit për të mbështetur Kosovën, ndërtuar ura bashkëpunimi në fusha me interes të përbashkët, veçanërisht në rritjen e investimeve e bashkëpunimit mes komuniteteve të bizneseve”, thuhet në njoftimin e Zyrës së Kryeministrit.
Teksa Al Musaileem vlerësoi marrëdhëniet mes të dyja vendeve.
“Ambasadori Faisal Al Musaileem tha se marrëdhëniet mes shteteve tona janë të shkëlqyera, me dëshirën dhe vullnetin për t’i thelluar ato në të ardhmen përmes dhe vizitave dypalëshe”, thuhet në komunikatë.
