Erdhi për të raportuar për dialogun Kosovë-Serbi para deputetëve në Komisionin për Punë të Jashtme dhe Diasporë.
Mirëpo raportimi i zëvendëskryeministrit të Kosovës, Besnik Bislimi nuk ishte i hapur për mediet.
Kryetarja e këtij komisioni nga radhët e Vetëvendosjes, Arbëreshë Kryeziu Hyseni kërkoi që mediet të lirojnë sallën.
E kundër këtij raportimi të mbyllur ishin deputetët e opozitës.
Megjithatë, diskutimi vazhdoi me dyer të mbyllura.
Pas një ore, zëvendëskryeministri i Kosovës, Besnik Bislimi e lëshoi sallën.
I njëjti nuk foli para medieve.
E nga partia në pushtet thanë se gjatë këtij takimi, Bislimi ka shpalosur dokumente konfidenciale që lidhen me procesin e dialogut.
Por, deputetja e PDK-së, Ariana Musliu-Shoshi tha që brenda raportimit nuk kishte asgjë konfidenciale.
Madje ajo akuzoi zëvendëskryeministrin Bislimi për sulm personal ndaj saj.
Që nuk kanë pranuar dokumente nga Bislimi për çështjen e dialogut e thanë edhe deputetë tjerë nga radha e opozitës.
