Zëvendëskryeministri në detyrë, Besnik Bislimi, gjatë ditës së martë ka pritur në takim Shefin e Divizionit për Kosovë pranë Komisionit Evropian, Jiri Plecity.
Përgjatë takimit, Bislimi bëhet e ditur se ka theksuar përkushtimin dhe angazhimin e palëkundur të Kosovës në procesin e integrimit evropian dhe rrugën drejt aderimit në familjen evropiane.
Sipas komunikatës, ai po ashtu ka theksuar edhe nevojën e menjëhershme për heqjen e masave ndaj Kosovës ‘të cilat u vendosën padrejtësisht dhe vijojnë të mbeten në fuqi padrejtësisht, pavarësisht rekomandimit nga ish-përfaqësuesi i lartë i BE-së, Josep Borrell, rekomandim i cili është dhënë pothuajse një vit më parë tashmë’.
“Zëvendëskryeministri në detyrë Bislimi e falënderoi Plecity për takimin dhe bisedën gjersa i uroi qëndrim të mbarë e të frytshëm në Kosovë”, thuhet në komunikatë./teve1.info/
