Bislimi në emisionin “Info Nata” në Tëvë1, ka thënë se titulli i kësaj ekspozite është simbolik, pasi siç thotë ai ka të bëjë me kujtimet tona për të.
Sipas tij, Nënë Tereza dhe familja e saj ka dokumentacionin primar në arkivin e Maqedonisë së Veriut në Shkup.
“Titulli i kësaj ekspozite edhe simbolik, sepse ajo nuk ka të bëjë me kujtimet e Nënës Terezë, por me kujtimet tona për të. Ne si shqiptar dhe si vend që ia kemi borxh, ne si arkiv qendror i Maqedonisë së Veriut dhe njësia rajonale e Shkupit, sipas logjikës pasi është lindur ajo ka vepruar në Shkup deri në moshën 18-vjeçare. Edhe ajo edhe familja e saj, dokumentacionin primar kryesor për Nënën Terezë, do të jetë dhe është në arkivin e Maqedonisë në Shkup”, tha ai.
Ai po ashtu, thotë se në këtë arkiv janë dokumentacione me të cilat vërtetohen shumë gjëra për Nënë Terezën.
“Janë dokumente me të cilat vërtetohen shumë gjëra të cilat deri më tash për Nënën Terezë, në lidhje me prejardhjen e saj, të gjithë e kemi ditur që është shqiptare, mirëpo në disa qarqe posaçërisht në Shkup dhe Serbi, shpesh kur përmendej Nënë Tereza nuk përmendej përkatësia etnike që është shqiptare, por vetëm si shkupjane, madje kishe të formuara edhe disa shoqata të cilat e mbanin emrin ‘shoqata shkupjania Nënë Tereza’, duke anashkaluar prejardhjen e saj, e cila me këto dokumente forcohet edhe më tej, në dokumente oficiale serbe theksohet prejardhja shqiptare e Nënë Terezës”, ka deklaruar Bislimi. /teve1.info/
