Sipas tij, ky vit ndoshta është ekonomikisht më i miri që ka pasur Kosova, pasi shpenzimet buxhetore janë 123 milionë euro më shumë, shkruan teve1.info
“Situata siç është sot me 14 tetor 2022, të hyrat buxhetore deri më sot kanë qenë një miliardë e 940 milionë euro, ndërkohë që në të njëjtën ditë të vitit 2021 të hyrat buxhetore kanë qenë një miliardë e 739 milionë euro. Do të thotë, rritja në terma apsolut është 201 milionë apo 12.1% . Në të njëjtën kohë, shpenzimet buxhetore deri në ditën e sotme janë në masën e një miliardë e 716 milionë euro. Përderisa në të njëjtën ditë të vitit të kaluar, shpenzimet buxhetore kanë qenë një miliardë e 593 milionë euro. Do të thotë sivjet në krahasim me vitin e kaluar, me vitin më të mirë ndoshta ekonomikisht që ka pasur Kosova janë 123 milionë më të mëdhaja sivjet, deri në ditën e sotme”, tha ai.
Tutje, zv.kryeministri Bislimi potencoi se është mirë që kjo dezinformatë të ndalohet.
“Si rezultat, në ditën e sotme të vitit të kaluar në Thesarin e Kosovës kemi pasë mjete në nivelin e 702 milionë euro. Sot, në Thesar kemi 697 milionë euro. Do të thotë kemi mjete më pak se vitin e kaluar, kemi 0.7% më pak mjete në Thesar sesa që kemi pasë vitin 2021, në ndërkohë që të hyrat buxhetore janë rritë për 12.1%. Është mirë me ndalu këtë dezinformatë sepse nuk i kontribuon askujt, edhe pse në fakt filozofia e qeverisjes nuk duhet të jetë që kudo që ka një lek me shpenzu, por është aftësia me ndërtu një strategji pak më afatgjatë”, shtoi ai. /Teve1.info/
