Sipas njoftimit, Bislimi këtë deklaratë e ka bërë gjatë takimit me shefin e Zyrës Diplomatike të Belgjikës në Kosovë, Julien Sassel.
“Bislimi e informoi z. Sassel për objektivin e Kosovës për të aplikuar deri në fund të këtij viti për anëtarësim në BE, me qëllim marrjen e statusit të vendit kandidat”, thuhet në komunikatë.
Po ashtu, në njoftim për medie bëhet e ditur se Sassel i ka ofruar mbështetje Kosovës për aplikimin në Këshillin e Evropës.
“Në takim u bisedua mbi agjendën evropiane të Republikës së Kosovës për këtë vit. U përmend aplikimi për anëtarësim në Këshillin e Evropës, për të cilin u riafirmua mbështetja e Belgjikës”, thuhet në komunikatë.
Po ashtu, sipas komunikatës, zëvendëskryeministri Bislimi e theksoi dhe nevojën për liberalizimin e vizave për qytetarët e Republikës së Kosovës.
