Ai tha se sa i përket liberalizmit të vizave, Qeveria ka bashkëpunim shumë të ngushtë dhe intensiv me secilën qeveri nga 27 vendet anëtare të BE-së dhe shtoi se, siç tha Bislimi, është shumë konfident që kjo çështje shumë shpejt do të marrë zgjidhjen finale.
“IPA 2021 është marrëveshja më e madhe që ka Kosova, e kontaminoni takimin me tema që nuk kanë të bëjnë asgjë me arsyen pse jemi takuar me të. Për momentin nuk ka asnjë pikë kufitare në Breznicë dhe nuk e di nga e keni marrë këtë informacion dhe kur të ju thërrasim për me fol për dialogun ju përgjigjem në secilën pyetje që mund të keni por sot fokusi duhet të jetë tek marrëveshja më e madhe financiare nga mekanizmi më i rëndësishëm që ka Kosova në bashkëpunimin ndërkombëtar dhe mendoj që edhe pyetjet duhet të jenë në nivel të marrëveshjes dhe rëndësisë që e ka e njëjta”, tha Bislimi.
Ai këto komente i bëri pas nënshkrimit të marrëveshjes me Ambasadorin e Zyrës së BE-së në Kosovë, Tomash Szunyog për programin e parë financiar vjetor IPA III, në vlerën 63.96 milionë euro./Teve1.info/
