Dritan Bajramaj, i lindur dhe rritur në Istog, rrjedh nga një familje e ndershme istogase me vlera qytetare dhe atdhetare. Shkollimin fillor dhe të mesëm i ka përfunduar në Istog, ndërsa studimet universitare në Fakultetin Juridik të Universitetit të Prishtinës.
Studimet post diplomike (Master) në drejtimin Juridik-Penal i ka përfunduar në Kolegjin AAB, me rezultate të larta akademike.
Që nga viti 2002 është i punësuar në Ministrinë e Drejtësisë, konkretisht në Shërbimin Korrektues të Kosovës, ku ka mbajtur pozita të rëndësishme drejtuese. Gjatë karrierës, ka marrë pjesë në shumë seminare, konferenca dhe trajnime profesionale në fushën e sigurisë, drejtësisë dhe menaxhimit, të zhvilluara në Kosovë, në vende të ndryshme evropiane dhe në Shtetet e Bashkuara të Amerikës. Kontributi i tij në zhvillimin e sistemit korrektues dhe të sigurisë në vend është vlerësuar lart nga institucione vendore dhe ndërkombëtare.
Në angazhimin politik, Dritani është aktivist besnik i Aleancës për Ardhmërinë e Kosovës për mbi 20 vite. Në zgjedhjet e fundit lokale u rendit më i votuari në listën e AAK-së për Kuvendin Komunal të Istogut.
Dritani është i martuar dhe baba i tre fëmijëve. Jeton dhe vepron në Istog.
Artikull i sponsorizuar nga Dritan Bajramaj
