Bislimi tha se takimi me të do të jetë në kuadër të hapave të radhës në mënyrë që deri në muajin mars të vitit të ardhshëm të përfundojnë negociatat për normalizim.
“Sot pasdite kam një takim online me Lajçakun ku do të definohen hapat e radhës deri në mars të përfundojnë negociatat për normalizim apo ujdisë e cila është mbi bazën e deklaratës së EASIT apo Borrellit mbi atë që kemi diskutuar dhe duhet mbi atë deri në fund të marsit të përfundojmë një normalizim”, tha Bislimi.
Ai këto deklarime i bëri gjatë raportimit në Komisionin parlamentar për Integrim, derisa po debatohet nga deputetët për proceset e integrimit.
Bislimi foli edhe për zvogëlimin e pagave të prokuroreve dhe gjyqtarëve, për çka tha se Qeveria vetëm e ka zhbërë një gabim që e ka bërë Qeveria e kaluar.
Sipas tij, prokurorët dhe gjyqatarët e kanë pasur rrogën më të lartë se sa kryeministri.
“Tek gjyqësori në qoftë se vendimi i Qeverisë është vendim arbitrat poashtu arbitrar është edhe vendimi i Qeverisë së kaluar për rritjen e pagës për gjyqtarët dhe prokurorët. Ne vetëm e kemi zhbërë një gabim që është bërë përpara. Të gjithë prokurorët dhe gjyqtarët kanë pasur pagat më të larta se kryeministri”, tha ai.
