20-vjeçarja e famshme e muzikës pop dhe vëllau i saj, Finneaas O’Connell, për hitin e tyre “No Time To Die”, janë të nominuar në kategorinë “Kënga më e mirë orgjinale”.
Eilish shprehu emocione të shumta për parakalimin në qilimin e kuq që mbahet në javën e ardhshme.
“Po, sigurisht, do të jemi aty. Jemi pushtuar nga emocionet por gjithashtu jemi të lumtur dhe mezi presim ta ndjekim ceremoninë”, ka deklaruar Eilish.
Të dy artistët, vëlla e motër, patën kërkesë të realizonin kolonën zanore të filmit të famshëm me spiunë “James Bond”. Ata donin që gjatë këtij procesi të kishin disa rregulla personale, me dëshirë që kënga të kishte nje melodi të fuqishme, të kishte dinamikë si dhe ta kishte emrin e njëjtë me filmin, sepse në këtë mënyrë mund ta tërheqin më shumë publikun drejt këtij projekti.
Billie dhe Finneas, refuzuan po ashtu ti ndëgjojnë këngët e kaluara të filmave të famshëm aksion, pasi nuk donin që pa dashje të kopjonin ndonjë pjesë të tyre.
