Në një konferencë “TechCrunch” të mërkurën, themeluesi i Microsoftit ka thënë se ai preferon të bëjë investime sipas modës së vjetër.
“Unë jam mësuar me klasat e aseteve, si një fermë ku ka prodhim, ose si një kompani ku prodhohen produkte”, tha ai.
Këto komente nga Gates vijnë në kohën kur bitcoinit dhe kriptovalutave të tjera po u bie vazhdimisht vlera.
Bitcoini arriti nivelin më të lartë të të gjitha kohërave prej 69,000 dollarë në nëntor të vitit 2021. Që atëherë, kriptomonedha më e vlefshme në botë ka humbur dy të tretat e vlerës së saj, duke rënë nën 23.000 dollarë të martën.
“Crypto Exchange Coinbase” njoftoi se po pushon nga puna 18% të punonjësve të saj pasi tregu i monedhës digjitale po vazhdon të bie.
Në një intervistë të vitit 2021, Gates pati thënë se fakti që Elon Musk dhe Tesla po investonin në bitcoin kishte kuptim diçka, por kjo sipas tij nuk do të thotë se investitorët mesatarë duhet të ndjekin atë rrugë.
Teksa ai ka dyshuar edhe më parë në kriptovaluta.
