Konferenca po mbahet në Prishtinë.
Por të pranishmit, janë studiues e hulumtues nga vende të ndryshme të botës.
Në këtë formë të hënën, në ambientet e një hoteli në Prishtinë nisi konferenca shkencore “Vakëfi tek Shqiptarët”
E gjitha kjo nën organizimin e Institutit për Hulumtime dhe Studime Islame në kuadër të Bashkësisë Islame të Kosovës.
Fillimisht, nikoqiri iu shpjegoi të pranishmëve, se çfarë nënkuptohet me “vakëf”.
Ta pranishëm në këtë konferencë, ishin mbi 50 studiues nga të gjitha trojet shqiptare.
E nuk munguan edhe përfaqësuesit e lartë nga Turqia, Arabia Saudite, Katari e Emiratet e Bashkuara Arabe.
Të pranishëm në këtë konferencë, ishin përfaqësues të lartë nga Turqia, Arabia Saudite, Emiratet e Bashkuara Arabe e Kuvajti.
“Ne, si Drejtori e Përgjithshme e Vakëfeve, e kemi marrë përsipër detyrën për ta mbrojtur pasurinë kulturore të vakëfeve të traditës turko-islame, për të rindërtuar në formën e tyre autentike ato që janë zhdukur, për të zbatuar kushtet e bamirësisë së vakëfeve dhe, mbi të gjitha, për ta transmetuar këtë trashëgimi te brezat e ardhshëm. Për ne, kjo trashëgimi kulturore nuk është thjesht një sërë strukturash historike të mbetura nga e kaluara; ajo është një amanet shpirtëror i dedikuar shoqërisë dhe një pjesë e gjallë e kujtesës sonë kolektive”, ka thënë Çelebi.
E mbështetje për Kosovën, premtoi Arabia Saudite.
“Ne në Mbretërinë e Arabisë Saudite kemi qenë përkrahës të Kosovës, që nga koha e luftës dhe sigurisht se jemi edhe tash të gatshëm për të ofruar ndihmën tonë. Në fushën e vakëfeve, po vërejmë një përmirësim të dukshëm dhe edhe ne kemi të njëjtën çështje dhe punojmë në shumë sfera që të bëjmë zhvillimin e vakëfeve dhe për të përmirësuar vetëdijesimi për rëndësinë e tyre”, është shprehur tutje Maxhidi.
Platformë të rëndësishme për shkëmbimin e përvojave këtë konferencë, e vlerësuan Emiratet e Bashkuara Arabe.
“Kjo Konferencë përbën një platformë të rëndësishme për shkëmbimin e vizioneve-pikëpamjeve rreth së ardhmes së vakëfit dhe mënyrës së shfrytëzimit të potencialit të revolucionit digjital dhe inteligjencës artificiale për forcimin e rolit zhvillimor dhe identitar të këtij institucioni historik”, ka thënë Bolushi.
Kjo konferencë dy ditore, përmban 8 seanca pune me plot 50 kumtesa.
