Në një postim në Facebook bëhet e ditur se rinovimi do të bëhet në dy faza, teksa nga BIK-u thonë se nuk kanë mundësi ta përballojnë koston.
“Prandaj, Kryesia e Bashkësisë Islame të Kosovës në pamundësi që të përballoj financiarisht koston e rinovimit, ftojmë mërgatën tanë që të participojnë për rinovimin e Medresesë . Medreseja gjithherë është mbajtur nga bamirësit, nga njerëzit bujarë dhe të vullnetit të mirë, nga dashamirët e arsimit e edukimit dhe nga miqtë e Medresesë, andaj edhe kësaj radhe kërkojmë që ta përkrahni këtë nismë.Rinovimi i tërësishëm i një dhome, sipas parallogaritjeve, arrin shumën 5.000 eurosh. Me këtë rast Kryetari i Bashkësisë Islame të Kosovës, myftiu Naim ef. Tërnava, shpreson që edhe këtë herë diaspora do ta mbështesë këtë projekt financiarisht ashtu siç kanë ndihmuar deri më tash”, thuhet në njoftim. /Teve1.info/
Njoftimi i plotë:
Ftohet diaspora të ndihmojë financiarisht rinovimin e Medresesë Aluddin
Kryesia e Bashkësisë Islame të Kosovës, gjegjësisht Drjtoria e Diasporës në Kryesinë e Bashkësisë Islame të Kosovës, ftonë mërgatën tonë për të përkrahur finaciarisht Medresenë “Alaudin” të Prishtinës. Rinovimi i godinës së Medresesë do të bëhet në dy faza:
Në fazën e parë do të rinovohen dhomat dhe korridoret e konviktit, ku përfshihen instalimi i rrymës, instalimi i ngrohjes, instalimi i internetit, suvatimi, ndërrimi i të gjitha orendive, dyert, dritaret dhe shtretërit etj.
Në fazën e dytë është paraparë rinovimi i restorantit me të gjitha objektet përcjellëse.
Prandaj, Kryesia e Bashkësisë Islame të Kosovës në pamundësi që të përballoj financiarisht koston e rinovimit, ftojmë mërgatën tanë që të participojnë për rinovimin e Medresesë . Medreseja gjithherë është mbajtur nga bamirësit, nga njerëzit bujarë dhe të vullnetit të mirë, nga dashamirët e arsimit e edukimit dhe nga miqtë e Medresesë, andaj edhe kësaj radhe kërkojmë që ta përkrahni këtë nismë.Rinovimi i tërësishëm i një dhome, sipas parallogaritjeve, arrin shumën 5.000 eurosh.
Me këtë rast Kryetari i Bashkësisë Islame të Kosovës, myftiu Naim ef. Tërnava, shpreson që edhe këtë herë diaspora do ta mbështesë këtë projekt financiarisht ashtu siç kanë ndihmuar deri më tash. Ai vlerëson lartë kontributin e mërgatës shqiptare në Diasporë, e në këtë kontekst edhe të Qendrës Suaj e cila me punën dhe aktivitetin e saj ka bërë të kultivohet atdhedashuria dhe ndenja për vendlindjen, pastaj për ruajtjen e gjuhës dhe të traditës sonë kombëtare e fetare.
Edhe Drejtori i Diasporës, Ekrem ef. Simnica shprehet jemi mirënjohës edhe për kontributin Tuaj që keni dhënë për mbarëvajtjen e institucioneve fetare islame arsimore të Bashkësisë Islame, përmes Sadakatul-Fitrit, Zeqatit, Kurbanit dhe ndihmave tjera materiale. Për të gjitha këto Lusim Zotin që t’ju shpërblej.
Të nderuar kësaj radhe ne kërkojmë nga Ju për të na përkrahur Medresenë “Alaudin” të Prishtinës.
Vatra arsimore e edukative Medreseja “Alaudin” e Prishtinës, – e njohur jo vetëm ndër ne për misionin e saj kombëtar e fetarë që nga vitet e ’50-ta të shekullit të shkuar e këndej, a në veçanti gjatë periudhës 1989-1999, dhe luftës së fundit në Kosovë Nga kjo vatër arsimore deri më tani kanë diplomuar mbi 5.300 kuadro nga të gjitha viset shqiptare dhe jo vetëm, – për shkak të dëmtimeve dhe amortizimit si pasojë e viteve dhe e kohës, ka shtyrë Kryesinë e Bashkësisë Islame të Kosovës që të marrë vendimin për rinovimin e tërësishëm të godinës së saj e ndërtuar që në vitin 1985.
Kontributet tuaja për rinovimin e Medresesë, mund t’i derdhni në llogarinë e Kryesisë së Bashkësisë Islame të Kosovës:
NLB Banka
IBAN: XK05 1700200100103672
SËIFT Code (BIC): NLPRXKPR
PayPal: paypal.me/bikfitra
Duke u mbështetur në kontributin dhe ndihmën tuaj, lusim Zotin që t’ju shpërblejë dhe t’ju shtojë begatitë dhe mirësitë në këtë botë dhe në botën tjetër!
Kryetari,
Myftiu Mr. Naim Tërnava
