Namazi i Kurban Bajramit falet të mërkurën më 28 qershor 2023, në orën 05:38.
Në njoftimit e Bashkësisë Islame të Kosovës thuhet se manifestimi qendror për territorin e Kosovës, mbahet në “Xhaminë e Madhe” në Prishtinë.
“Kryesia e Bashkësisë Islame të Kosovës njofton besimtarët dhe opinion e gjerë se dita e parë e festës së Kurban – Bajramit, është ditën e mërkurë më 28 qershor 2023. Namazi i sabahut falet në orën 4.23 min”, thuhet në njoftim.
Gjithashtu, thuhet se kryesia e BIK-ut organizon pritje përurimi në selinë e kryesisë, nga ora 09:00 deri në 12:00.
“Ligjëratën tematike kushtuar festës së Kurban – Bajramit do ta mbajë dr. Selatin Mehani-pedagog në Medresenë “Alaudin” në Prishtinë.Namazi i Kurban-Bajramit falet në orën 5.38 min, të cilit do t’i prijë Burhanudin ef. Hashani- kryeimam i Prishtinës, ndërsa hytben – mesazhin e Kurban – Bajramit do ta mbajë Myftiu i Kosovës, Naim ef. Tërnava. Me rastin e festës së Kurban – Bajramit, ditën e parë, më 28 qershor 2023, kryesia e BIK-ut, si tradicionalisht organizon pritje përurimi në selinë e Kryesisë, nga ora 9:00-12:00”, thuhet në njoftim./teve1.info/
