Bie nga ndërtesa një grua në Prishtinë, dërgohet për tretman mjekësor

Nga PK-ja kanë thënë se viktima ka pësuar lëndime trupore.

“Sot rreth 18:00, kemi pranuar informatën se në lagjen Emshir në Prishtinë, një person (femër) ka rënë nga një ndërtesë, dhe e njëjta ka pësuar lëndime trupore”, thuhet në njoftimin e Policisë.

Sipas njoftimit, viktima është dërguar për tretman mjekësor.

“Personi i lënduar është dërguar për tretman mjekësor, ndërkohë që hetuesit policor në koordinim me prokurorinë përkatëse janë duke punuar për të sqaruar të gjitha rrethanat që lidhen me rastin”, është bërë e ditur në komunikatën e Policisë. /Teve1.info/