Këtë ligj, Bideni e nënshkroi në një ceremoni ku të pranishëm ishin mijëra njerëz, e cila pasqyronte pranimin e bashkimit të të njëjtës gjini.
“Ky ligj dhe dashuria që ai mbron japin një goditje kundër urrejtjes në të gjitha format e saj. Dhe kjo është arsyeja pse ky ligj ka rëndësi për çdo amerikan”, tha Bideni teksa nënshkroi ligjin.
Të pranishëm në këtë ceremoni ishin ligjvënësit nga të dyja partitë, zonja e parë Jill Biden dhe zëvendëspresidentja Kamala Harris me bashkëshortin e saj, Doug Emhoff.
Ndërsa, këngëtarët Sam Smith dhe Cyndi Lauper performuan.
Bideni më tej kritikoi ligjet e ashpra që paraqiten në disa shtete, duke thënë se i tmerrojnë familjet dhe kriminalizojnë mjekët që u japin fëmijëve kujdesin që u nevojitet.
“Racizmi, antisemitizmi, homofobia, transfobia, të gjitha janë të lidhura”, tha Biden.
Ceremonia e së martës shënon një tjetër kapitull në trashëgiminë e Bidenit mbi të drejtat e homoseksualëve.
