Presidenti i SHBA-së, Joe Biden, në një konferencë për media ka treguar për sanksionet e reja që kanë marrë ndaj shtetit rus.
Biden u shpreh se ky është fillimi i pushtimit të Ukrainës nga Rusia, duke shtuar se është “shkelje flagrante e të drejtave ndërkombëtare”.
Sipas tij, SHBA-ja ka vendosur që të sanksionojë dy institucione financiare ruse ‘VEB” dhe bankën ushtarake.
“Kjo nënkupton se po këpusim Qeverinë e Rusisë nga financat e Perëndimit”, ka thënë Biden.
Po ashtu, presidenti amerikan shton se kanë vendosur sanksione edhe ndaj familjarëve të elitës ruse.
Tutje, ai deklaroi se sanksione tjera priten të vendosen nëse Rusia vazhdon të eskalojë situatën.
