Presidenti amerikan, Joe Biden, është takuar në Shtëpinë e Bardhë me republikanin Donald Trump të mërkurën, pas fitores të tij në zgjedhjet presidenciale amerikane të 5 nëntorit.
“Donald, urime”, i tha Biden Trumpit duke e përshëndetur me një shtrëngim dore dhe shtoi se “mezi pret për kalimin e pushtetit në mënyrë të qetë”.
Edhe Trumpi bëri zotime të ngjashme dhe e falënderoi Bidenin për ftesën. Trumpi nuk e kishte ftuar Bidenin pasi i kishte humbur zgjedhjet e vitit 2020.
“Faleminderit shumë”, tha Trump. “Politika është e vështirë. Dhe, në shumë raste, nuk është botë shumë e mirë. Por, sot është një botë shumë e mirë dhe unë e çmoj shumë”./rel
