Sot, është bërë betonimi i pllakës së njërës prej dy urave të reja që po ndërtohen mbi lumin Ibër në Mitrovicë.
Kjo urë është e dedikuar për automjete dhe tashmë është në fazën përfundimtare të ndërtimit, derisa me të njëjtin ritëm është paralajmëruar të vazhdojë edhe ndërtimi i urës tjetër të dedikuar për këmbësorë.
Urat e reja janë pjesë e projektit për përmirësimin e infrastrukturës rrugore në qytet, në mënyrë që të lehtësohet qarkullimi ndërmjet pjesës jugore dhe asaj veriore të Mitrovicës, qytet i ndarë etnikisht që nga paslufta.
