Komisioni i Pavarur për Media (KPM) në mbledhjen e së martës zgjodhi Besnik Berishën kryetar të këtij institucioni, ndërsa nënkryetare u zgjodh Drita Morina.
Mbledhja u hap nga anëtarja Suada Gjokoviq, si anëtarja më e vjetër në KPM. Ndërsa, propozimi që Besnik Berisha të zgjdhet kryetar, u bë nga anëtari Fitim Veliu, raporton “Betimi për Drejtësi“.
Me 7 vota për, me procdurën e votimit të fshehtë, Berisha u zgjodh kryetar i ri i KPM-së.
Të pranishëm në votim ishin: Drita Morina, Besnik Berisha, Luljeta Aliu-Krasniqi, Hysni Mustafa, Serpin Emrusi-Halce, Suada Gjokoviq dhe Fitim Veliu.
Më pas, u zhvillua procedura e votimit për nënkryetar të KPM-së. Me këtë rast, me 7 vota për, Drita Morina u zgjodh në pozitën e nënkryetares.
Ndryshe, kjo është mbledhja e parë e KPM-së pasi Kuvendi votoi përbërjen e re të këtij institucioni, më 24 prill 2026.
Ndërkaq, mbledhja e fundit e KPM-së është mbajtur më 17 janar 2025.
