Mesfushori i Shqipërisë, Ernest Muçi nuk ka të ardhme te skuadra e Beshiktashit.
Drejtuesit e klubit turk kanë marrë vendim për ta nxjerr Muçin në shitje dhe po presin ofertat për kartonin e tij.
Muçi nuk ka bindur te Beshiktashi me paraqitjet e tij dhe për këtë arsye do të largohet gjatë afatit kalimtar të janarit.
Për ta lënë të lirë Muçin, skuadra turke po kërkon të paktën 10 milionë euro, duke pasur parasysh se 23-vjeçari ka kontratë valide deri në verën e vitit 2027.
Muçi iu bashkua Beshiktashit në shkurt të vitit të shkuar nga Legia e Varshavës për 10 milionë euro, ndërsa këtë sezon ka shënuar 5 gola dhe ka bërë 2 asistime në 19 paraqitje në të gjitha garat.
Ai ka edhe 15 paraqitje dhe 3 gola të shënuar me Kombëtaren e Shqipërisë.
