Ishte një kthesë e re në debatin e vjetër, por Bernardo Silva nuk mori anë mes Cristiano Ronaldos dhe Lionel Messit.
I cilësuar si Figura Vitit 2023 nga mediumi i famshëm A Bola, Silva dha një intervistë të gjatë për gazetën portugeze, duke prekur një sërë temash.
Një nga momentet më të lehta erdhi në fund të bisedës, kur ylli i Manchester City u pyet se cilin nga dy pseudonimet “Ronaldo” apo “Messi” i preferonte.
“Nuk më pëlqen asnjëri prej tyre,” qeshi ai, “Sepse krahasimet bëhen gjithmonë… Më pëlqen të jem Bernardo. Sigurisht që ndonjëherë është krenari të krahasohesh me një lojtar apo me një tjetër, por nuk e bëj”.
Intervista preku një sërë temash të ndryshme, ku Silva pranoi se ndihet paksa i anashkaluar nga tifozët e futbollit në vendin e tij.
29-vjeçari u largua nga Portugalia para se të hynte në ekipin e parë të Benficas dhe humbi medaljen e vendit të tij në Euro 2016 për shkak të lëndimit.
“A jam i nënvlerësuar? Jo, njerëzit më vlerësojnë shumë. Ndoshta në Portugali jo aq sa jashtë vendit. Mendoj se njerëzit më vlerësojnë më shumë në Francë, ku kam luajtur dhe në Angli sesa në vendin tim, por ndoshta kjo ka të bëjë me faktin që u largova shumë herët”, deklaroi Silva.
