Kryeministrja e Serbisë, Ana Bërnabiq, është takuar sot me të dërguarin special të ShBA-së për Ballkanin Perëndimor, Gabriel Escobar.
Në njoftim e Qeverisë së Serbisë, thuhet që Bërnabiq ka falënderuar Escobarin për mbështetjen e ShBA-së në dialog mes Kosovës dhe Serbisë, si dhe për mbështetjen e formimit të Asociacionit.
“Kryeministri theksoi se qëllimi i Serbisë është ruajtja e paqes dhe stabilitetit dhe forcimi i bashkëpunimit në rajon, si dhe përkushtimi për dialogun ndërmjet Beogradit dhe Prishtinës dhe zgjidhjen e çështjeve të hapura”, thuhet në njoftim.
Escobar, është takuar dje, në Beograd edhe nga presidenti i Serbisë, Aleksandar Vuçiq, i cili ka thënë pasur një bisedë “të hapur dhe të drejtë”, dhe se beson në përmirësimin e marrëdhënieve me ShBA-në.
Të shtunën, më 18 mars, kryeministri Kurti dhe presidenti Vuçiq, pritet të takohen në Ohër për të diskutuar rreth propozimit evropian, i cili parasheh normalizimin e marrëdhënieve mes të dyja vendeve.
