Kështu deklaroi ish-kryeministri i Shqipërisë, Sali Berisha në seancën e sotme plenare, ku nënvizoi se Kuvendi i Shqipërisë duhet të dënojë krimet e luftës të Serbisë.
“Udhëheqësit aktualë me në krye Aleksandër Vuçiç janë arkitektët e këtij gjenocidi. Vuçiç është i regjistruar me zë dhe figurë tek thotë në parlamentin e vendit të rij se për çdo serb duhet të vriten 100 myslimanë. Parimi klasik i gjenocidit të bazuar në urrejtjen fetare”, u shpreh Berisha.
Ai shtoi se në rast se Ballkani nuk ecën drejt BE-së, një nga shkaqet më madhore është qëllimi i gabuar i komunitetit ndërkombëtar ndaj Vuçiç.
“Ne kemi detyrim po kaq madhor për të dënuar këtë gjenocid, i cili është sanksionuar në dy vendime të gjykatave të mëdha të kohës, Gjykata e Hagës dhe gjykatës ndërkombëtare të krimeve të luftës në ish-Jugosllavi. Në rrafshin juridik ky është gjenocid universalit, i faktuar dhe pranuar nga mbarë vendet e qytetëruara”, u shpreh Berisha./euronews.al
