Anëtari i Partisë Demokratike të Kosovës, Hisen Berisha ka vlerësuar se aktgjykimi i Gjykatës Kushtetuese lidhur më kërkesën e një grupi të deputetëve për seancën konstituive është detyrues për të zgjedhurit e popullit.
Ai në emisionin “InfoNata”, ka thënë se më këtë aktgjykim vendi është në një situatë të re.
“Aktgjykimi është detyrues për deputetët dhe tani duhet ta jap efektin jurdikik brenda afatit që është 30 ditë. Në rast se deputetët nuk operojnë sipas këtij aktgjykimi bëjnë shkelje kushtetuese. Jemi në një situatë të re. Këtu nuk më hapësirë për të luajtur me forma të ndryshimit të votimit”, ka thënë Berisha.
Ai ka thënë se nëse vendimi nuk respektohet nga grupi më i madh parlamentar, presidentja e vendit bashkë me krerët e partive politike duhet të gjejnë zgjidhje.
“Atëherë duhet të jemi në një situatë ku duhet të presim nga institucioni më i lartë i ruajtjes së unitetit politik, që është presidentja me këto udhëzime të Gjykatës Kushtetuese dhe kryetarët e partive politike që ta gjejnë zgjidhjen politike edhe pse kjo në këtë aktgjykim nuk përmendet”, ka thënë Berisha.
