Deputeti i PDK-së, Hysen Berisha ka thënë se për të mirë të Kosovës, kjo Qeveri duhet të ndalët sa më shpejt.
Berisha ka thënë se datat më reale për mbajtjen e zgjedhjeve janë 27 qershori ose 7 korriku, por sipas tij nëse veç nuk ndodh atëherë pas pushimeve verore kalohet në kohën kushtetuese për mbajtje të zgjedhjeve të rregullta.
“Nuk i kemi votat për shpërndarjen e Kuvendit… Opozita duhet që të shkojë në versionin e saj, të shpërndarjes së Kuvendit me anë të mocionit dhe të caktohet data e zgjedhjeve. Ne e kemi preferuar fillimin e qershorit, por janë afatet kushtetuese që e hëngrën atë kohë, tani ka ngelur fundi i qershorit, që mos me na mbetet fillimi i korrikut… Data më reale do të ishte 27 qershori, nëse jo pastaj është 7 korriku, nëse jo shkojmë në pushime verore dhe më pas hymë brenda kohës kushtetuese të mbajtjes së zgjedhjeve të rregullta. Tani unë mendo që s’ka më logjik, mirëpo kjo Qeveri duhet të ndalët sa më shpejt”, ka thënë ai në emisionin “Ditari” në Tëvë1.
