Berisha ka lëshuar sallën në momentin kur kryeministri i Shqipërisë, Edi Rama e ka marrë fjalën para deputetëve.
Në një adresim për media, ai tha se këtë e ka bërë për shkak se Rama nuk po e lejon votimin e rezolutës për dënimin e gjenocidit serb në Kosovë.
“Fakti që u largova nga Parlamenti, u largova për të përfaqësuar kombin shqiptar, të gjithë qytetarët e Kosovës që ndjehen të tradhtuar nga një kryeministër shqiptar. U largova për t’i përfaqësuar ndjenjat e dhjetëra-mijëra familjeve shqiptare që kanë humbur familjet e tyre nga barbaritë serbe, dhe Edi Rama prej katër muajsh, nuk lejon votimin e rezolutës për dënimin e gjenocidit serb në Kosovë”, tha Berisha.
