Në emisionin “InfoNata” në Tëvë 1, Berisha deklaroi se kjo gjykatë burimet e informacioneve dhe “fakteve” i ka në Serbi.
“Një Gjykatë e tillë është produkt i investimit të lobit serb dhe rus sepse tashmë çdo gjë është publike që dmth raportuesi për këtë çështje në Këshillin e Evropës nga ku deri vonë themelimi i kësaj gjykate ishte në sigurinë e rreptë të policisë zvicerane, dhe ne i kemi parasysh tashmë deklaratat që janë publike për bashkëpunimin shumë të ngushtë të kryeprokurorit serb me prokurorët e kësaj gjykate. E një gjykatë e cila burimet e informacioneve dhe “fakteve” i ka në Serbi unë nuk pres diçka më mirë”, tha ai.
Kurse i pyetur se pse deputetët e Kuvendit të Kosovës votuan për themelimin e kësaj gjykate, ai tha se kjo ka ndodhur për shkak se deputetët kanë qenë të bindur se pretendimet për ekzistimin e “shtëpisë së verdhë” nuk janë të vërteta.
“Fillimisht është mashtruar Këshilli i Evropës dhe natyrisht ata e kanë miratuar dhe kanë dhënë dritën e gjelbërt mbi ato gënjeshtra që vërtet paska egzistuar “një shtëpi e verdhë”, mirëpo koha tash po tregon që nuk paska egzistuar. Ndërsa këta tonët e kanë votuar Gjykatën Speciale sepse kanë qenë të bindur se nuk është ashtu, dmth gjithë ato dokrat me të cilat është tronditur opinioni evropian nuk qëndrojnë askund dhe thjeshtë Gjykata Speciale merret me gjëra tepër minore, të vogla dhe janë shumë qesharake “, shtoi ai./teve1.info/.
