“Veprimet e serbëve në veri kudo qofshin ata në struktura paralele apo edhe atyre që drejtojnë serbët e veriut tashmë janë të njohura”, ka thënë Berisha.
Berisha në një lidhje direkte në Tëvë1 theksoi se Qeveria e Kosovës duhet të nxjerr mësimet e duhura nga këto situata, teksa ka shtuar se Qeveria do duhet të merrte mësim nga reprociteti për targat.
“Besoj se pas çdo zhvillimi të tillë Qeveria e Kosovës duhet të nxjerri mësimet e duhura dhe të nevojshme, nga zhvillimet e shtatorit të kaluar kur është filluar demontimi i recprocitetit për targat, ai mësim është dashur të vlejë tash para marrjes së këtij vendimi”, ka thënë ai.
Berisha ka thënë se vendimmarrja për reprocitet është dashur të analizohet më herët, sepse sipas tij, bllokimi dhe pamundësia e lëvizjes së njerëzve e sidomos mërgimtarëve është shqetësuese.
“Vendimmarrja dhe planifikmi operativ është dashtë të analizohen mirë në kontekst të asaj që mund të eskaloj nga përvojat e të së kaluarës dhe nëse sot vihet në një situate gjendja në veri të bllokohet prap rrugët të pamundësohet lëvizja e lirë e njerëzve e aq më tepër më shqetësuese është ardhja e mërgimtarëve të cilët janë nëpër pikat kufitare”, ka thënë ai.
Deputeti i PDK-së, më tej tha se opozita e përkrah Qeverinë.
“Duhet ta bëjmë kryeministrin të reflektojë ose të sjell vendin dhe qytetarët në këso situata që i ka sjell tani, opozita besoj dhe personalisht e përkrahim në zbatimin e ligjeve”, tha Berisha.
Ai ka komentuar edhe deklaratën e Presidentit të Serbisë, Aleksandar Vuçiq duke thënë se shqetësimi është i pranishëm, sepse sipas tij, deklarata e Vuçiqit ka qenë nxitëse për luftë.
“Shqetësimi është i gatshëm derisa ka një deklaratë të tillë të presidentit serb, e cila është nxitëse për luftë, nxitëse për t’i mobilizuar qytetarët e veriut të Kosovës, atëherë shqetësimi është aty”, u shpreh ai.
”Institucionet e Kosovës duhet të veprojnë me maturi dhe mençuri”, shtoi ai.
