Kryetari i Partisë Demokratike të Shqipërisë, Sali Berisha ka njoftuar protestën e radhës të opozitës e cila do të mbahet më datën 8 maj.
Në fjalën e mbajtur në komunikimin e përditshëm me mediat, Berisha ftoi qytetarët që të mblidhen në rrugët dhe sheshet e Tiranës në atë që e cilësoi si kryengritjen më të fuqishme paqësore kundër qeverisë “Rama”.
“Jam sot për të informuar shqiptarët se me datën 8 maj, një ditë e rëndësishme, shqiptarët do të mblidhen në rrugët dhe sheshet e Tiranës në kryengritjen e tyre më të fuqishme paqësore që ka njohur vendi kundër kreut të organizatës kriminale dhe regjimit të tij, qeverisë së tij”, deklaroi Berisha./rtsh.al/
