Mërgim Berisha tashmë është në radarin e skuadrës së madhe gjermane, Borussia Dortmund.
Sipas burimeve të Sky Sports, Mërgim Berisha i Augsburgut tani është në listën e Borussia Dortmundit. Augsburgu nuk e fsheh faktin që Berisha ende mund të largohet nga klubi dhe atë për me shumë se 15 milionë euro.
Berisha shënoi nëntë gola dhe kontribuoi me katër asistime në 23 paraqitje kampionale edicionin e kaluar. 25-vjeçari po ashtu debutoi për përfaqësuesen e Gjermanisë në muajin mars. Bashkëlojtari i Berishës, Ermedin Demirovic, po ashtu është lidhur me një kalim te Dortmundi. Por, transferimi i Demirovicit nuk është momentalisht aktual sa ai i Berishës.
Më herët Berisha ka luajtur për Red Bull Salzburgun, ku u zhvillua, si dhe te Magdeburgu e Altachu në formë huazimi. Me U21 të Gjermanisë ka luajtur 13 ndeshje dhe ka shënuar një gol.
Këtë edicion startoi në dy ndeshjet e para të Augsburgut, por pa realizuar gol.
