I ftuar në “Info Nata” në Tëvë 1, Berisha tha se deri më sot, Qeveria nuk ka hartuar një strategji se çfarë do të bëjë.
“Politika e Jashtme së pari është edhe kompetencë e presidentes, kryeministrit dhe ministres. Kjo Qeveri nuk ka hartuar deri më sot një strategji se çfarë do të bëjë. Do të thotë, pikë së pari ata s’kanë një plan veprues. Së dyti, askush nuk i ka dhënë detyra ministres së jashtme me bë një riorientim por ajo çka i kërkohet është që ato miqësi të krijuara të ruhen dhe të krijohen miqësi të reja. Dhe ka ndodh e kundërta. Miqësitë e ndërtuara, sidomos me SHBA që janë thelbësore të cilën shteti ynë as që mund të egzistojë pa ta dhe është aksionar në shtetësinë tonë. Kjo qeveri ka kontestuar marrëveshjen e Uashingtonit në Shtëpinë e Bardhë. Pastaj projekti i gazit duke e trajtuar në mënyrë ironike jo gypi jo kjo, projekte kaq të rëndësishme dhe duke mos marrë parasysh këshillat e QUINT-it siç ka ndodhë në këto dy momentet e fundit. Dhe në raport me dialogun e cila është kërkesë e pastër amerikane dhe e BE-së, do të thotë pa hy në detaje i përmenda këto dhe të njëjtën kohë nuk kemi as një hap rreth 5-shes që nuk ka njohur Kosovën, nuk kemi asnjë progres”, tha Berisha.
Ish-ambasadori i Kosovës në Slloveni theksoi edhe “skandalet” që sipas tij ka bërë ministrja e punëve të Jashtme, Donika Gërvalla.
Sipas tij, është humbje kohe që Kosova nuk ka asnjë njohje e asnjë aplikim në organizata ndërkombëtare.
“Ministrja bëri një skandal gjatë vizitës në Greqi, sepse nuk është vetëm takimi me zyrtarë por edhe komunikimi publik me masën, kur përdori ato shprehje të papërshtatshme në gjuhën diplomatike rreth një shteti që ne e kemi edhe të rajonit edhe kemi interes për të na njohur, që është anëtar edhe i BE-së edhe i NATO-s. Dhe këta nuk kanë, jo vetëm që nuk kemi asnjë njohje, nuk kemi asnjë iniciativë, as aplikime nëpër organizata ndërkombëtare. Kjo është vetëm një humbje kohe”, shtoi Berisha. /Teve1.info/
